Together We
Bring Them Home

Waliullah Maroof

3 hours 50 minutes ago

ان سے ملئے۔۔۔!
انکا نام مزمل ولد یوسف ہے۔
سال 2004 مئی یا اپریل کا مہینہ تھا ۔ گھر بہن بھائی میلے میں جارہے تھے۔ مزل کو پہلے لیجانے کا آسرا دیا گیا تھا لیکن عین جانے وقت میں ماں نے کہا بیٹا تمہیں اگلی بار لے چلیں گے۔ تم چھوٹے ہو کہیں میلے میں گم نا ہوجاو۔ اچانک امید ٹوٹنے پر مزمل نے ضد کی اور بہن بھائی کے جانے کے بعد خود سے میلے کے لئے نکل گیا۔ اپنے گھر سے کہیں دور نکل گیا نہ میلا ملا اور نا گھر۔۔۔ واپسی کا راستہ معلوم نہیں تھا۔ ایک فیملی نے مزمل کو اپنے پاس رکھا۔ آج تک مزمل انکے پاس ہے۔
ان دنوں مزمل نے اپنے متعلق بتایا تھا کہ اسکے والد کا نام یوسف ہے اور والدہ کا نام سرداراں/سردارہ ہے۔
چار بھائی تھے نام عمران ، بوٹا ۔ ایک حمزہ فوت ہوا تھا۔
ایک بہن تھی کرن نام تھا۔ ابو کھیتی باڑی کرتے تھے۔
علاقے کے بارے میں بس اتنا بتایا تھا کہ "مانکا چک" سے آیا ہوں۔
گھر ایک قصبے ٹائپ جگہ میں تھی۔ گھر کے پاس شہر میں مسجد تھی شیشے لگے تھے چمکدار مسجد تھی۔شہر کا نام یاد نہیں ہے۔
دو نہریں بھی گھر سے کچھ فاصلے پر تھیں۔ ایک نہر چھوٹی اور ایک بڑی ۔علاقے میں ایک شخص کو حاجی کہتے تھے والد اسکے پاس کام کرتا تھا۔
مزل ابھی نوجوان ہے ۔ وہ اپنے خاندان کی تلاش میں ہے۔ بچپن میں اٹھانے والے قدم پر پشیماں ہے۔
مزمل کے والدین پر کیا قیامت گزری ہوگی اسکا اندازہ ہر صاحب دل و دماغ کو ہوگیا ہوگا۔
برائے مہربانی اس پوسٹ کو زیادہ سے زیادہ شئیر کریں۔آپکا ایک شئیر مزمل کو اسکے گھر پہنچانے کا سبب بن سکتا ہے۔
کسی بھی اطلاع کے لئے نیچے درج نمبر پر وٹس ایپ کریں
+923162529829

26 sept 2026
#waliullahmaroof

Waliullah Maroof

17 hours 24 seconds ago

آسیہ معصوم بچی تھی ۔ بنگلادیش کے میمن سنگھ شہر میں رہتی تھی ۔ امی ابو، بہن بھائی، رشتےدار، سہیلیاں،خوبصورت گھر اور خوشحال زندگی تھی۔
آج سے تقریبا 4 دہائیوں قبل آسیہ گھر کے باہر گلی میں کھیل رہی تھی ۔ سہیلیاں ساتھ تھیں۔ اتنے میں ایک مرد اور عورت آئے آکر آسیہ سے کہا کہ چلو تمہیں پیسے دیتے ہیں۔ دوکان جانے کا کہہ کر اغواء کرلیا۔ دو ماہ تک ایک ایسے گھر میں بند کرکے رکھا تھا جہاں مزید اغواء شدہ خواتین اور بچیاں بھی موجود تھیں۔
آسیہ کہتی ہے مجھے امی ابو کی یاد آتی تھی میں گھر جانے کا کہتی تو وہ مجھے مارتے ڈراتے دھمکاتے۔ اور کبھی کہتے کہ آپکے امی ابو کل آنے والے ہیں (جیسے شیلٹرز میں بچوں کو خاموش کرانے کے لئے کہا جاتا تھا/ہے کہ امی ابو کل آرہے ہیں)۔
آسیہ کہتی ہے کہ دو ماہ بعد جب باہر کے حالات ان کے لئے سازگار ہوئے(ماں باپ ڈھونڈ ڈھونڈ کر جب تھک ہار کر گھر میں بیٹھ گئے ہونگے) تو انہوں نے ہمیں وہاں سے نکال کر انڈیا کے بارڈر کی طرف منتقل کردیا۔
پھر انڈیا لاکر جنگلات میں ایک دو ماہ پیدل سفر کرواکر ہمیں پاکستان منتقل کیا اور یہاں ہمیں بیچ دیا گیا۔ یہ سفر زندگی کا تکلیف دہ ترین سفر تھا اسمیں تھکاوٹ تشدد ڈر خوف سب کا مجموعہ تھا۔
پاکستان میں کسی نے خرید کر چند سال رکھا۔ جب بڑی ہوئی تو میری شادی کرائی۔ الحمداللہ میری چار پانچ بیٹیاں ہوئیں ایک بیٹا ہوا۔ بیٹا چھوٹا ہے۔ خون پسینے سے کماکر اپنے بچوں کو اچھی طرح پڑھا رہی ہوں۔ ایک بیٹی کو نرس بنایا۔ بقیہ بچے پڑھ رہے ہیں۔ ابھی ایک بیٹی انٹر میں بہت اچھے مارکس سے کامیاب بھی ہوئی ہے۔ اپنے بچوں سے جب جب پیار کرتی تو مجھے احساس ہوتا کہ میرے بھی ماں باپ مجھ سے ایسے ہی پیار کرتے ہونگے۔۔میرے گم ہونے کے بعد ان پر کیا قیامت ٹوٹی ہوگی۔۔۔!! کاش مجھے گھر والے مل جائیں۔۔
میرا شوہر میرا بہت خیال رکھتا تھا۔۔اس نے کبھی کمی محسوس ہونے نہیں دی۔۔۔ شوہر کا اچانک انتقال ہوگیا تو میری زندگی پھر سے بہت مشکل میں پڑی۔ اکلوتا بیٹا زیر تعلیم تھا ۔۔ بیٹیاں پڑھ رہی تھیں۔
محنت مشقت سے انکو رکھنا تھا۔۔۔ شوہر کی وفات پر صبر کا صلہ اللہ نے ایک سال بعد ہمارے مشن کی صورت میں دیا۔۔۔ انکی بیٹی کو ہمارے کام کا پتہ چلا۔۔ ہماری ویڈیوز دیکھیں۔۔ ہم سے رابطہ کیا۔۔ ہم نے مکمل تفصیلات لیکر بنگلادیش میں اپنی ٹیم کو بھیجیں۔
الحمدللہ بنگلادیش سے منظور احمد بھائی نے خوشخبری سنائی کہ آسیہ کا خاندان مل گیا ہے۔ والدہ تو فوت ہوچکی تھی۔
والد اور بہن بھائی موجود تھے۔ آسیہ کو ویڈیو کال پر انکے خاندان سے ملوایا۔ چالیس سال قبل زندگی کا جو باب جہاں بند ہوا تھا اسکا پھر وپیں سے آغاز ہوا۔۔کافی عرصے تک انکا فون پر رابطہ رہا۔
گزشتہ ہفتے آسیہ بی بی کی بیٹی نے کال کرکے بتایا کہ نانا کی طبعیت بہت خراب ہے وہ بستر پر ہیں ۔ امی کی خواہش ہے کہ وہ والد کی زندگی میں ایک بار ان سے مل لیں۔ ہم نے ویزہ لگایا ہے ٹکٹ کے آدھے پیسے ہیں آدھے نہیں ہیں۔۔ آپ ارینج کریں۔
الحمدللہ ایک لاکھ پانچ ہزار روپے ہم نے دوستوں سے جمع کرکے انکو بھیجے۔ اگلی پہلی فلائٹ میں انکی ٹکٹ بک کی۔ اگلے روز پنجاب سے کراچی کے لئے روانہ ہوئی۔ جمعرات کی صبح کراچی پہنچی۔ ہمارے پیارے بھائی اور ہمارے مشن سے محبت کرنے والے بہت ہی خوبصورت انسان احمد عمر قادری صاحب نے انکو اپنے گھر میں ٹہرایا۔ انکی نیک اہلیہ نے خوب خدمت کی۔
الحمدللہ آج 25 ستمبر 2026 رات دو بجے کراچی ائیر پورٹ سے ڈھاکہ کے لئے اڑان بھری اور آج صبح ڈھاکہ کے حضرت شاہ جلال انٹرنیشنل ایئرپورٹ پر قدم رکھا۔ باہر نکلی تو جن بہن بھائیوں کو ننھی عمروں میں چھوڑا تھا وہ سفید بالوں کے ساتھ استقبال کے لئے کھڑے تھے۔ ایک دوسرے سے گلے لگ کر خوب روئے۔ کندھے آنسوؤں سے تر ہوگئے۔ ایئرپورٹ پر باقی آنے والوں سے ملکر خوش ہورہے تھے۔ لیکن یہ تھے کہ گریہ کناں تھے۔
ہمارے منظور احمد بھائی انکے ساتھ شانہ بشانہ کھڑے تھے اور انکی خوش قسمت آنکھوں نے یہ تمام مناظر اپنی آخرت کے لئے ریکارڈ کر لئے۔
آج رات آسیہ اپنے گاؤں کی طرف سفر میں ہے صبح ان شاءاللہ اپنے ضعیف والد سے ملاقات ہوگی۔ وہ کیا منظر ہوا فرشتے بھی یہ منظر دیکھنے کے لئے شاید آسمان سے اترکر آئیں۔
اللہ تعالی ان تمام لوگوں کو اپنی بارگاہ میں خوب نوازے جنہوں نے آسیہ کی کسی بھی طرح سے مدد کی۔ اللہ انکی مدد کرے۔
آج مجھے آسیہ کا بنگلادیش جانے کی خوشی تو تھی ہی لیکن الحمدللہ آج کے روز اللہ نے مجھے پانچ سال بعد بیٹے کی نعمت بھی عطا فرمائی۔
آج 25 ستمبر 2026 صبح دس بجکر بیس منٹ پر میرے پیارے محمد علی نے آنکھ کھولی۔
آج آسیہ کا کیس میں آپ سب کی اجازت سے اپنے نئے مہمان کے نام کرتا ہوں۔ اللہ میرے محمد علی کو نیک صالح بنائے اور اپنی راہ پر قائم رکھے اور اللہ تعالی اس سے خوب خدمت لے۔ آمین یارب العالمین۔

26 sept 2026
#waliullahmaroof